Verse, Gedichte und Geschichten von Marie Burri
schmetterling
Marie Burri-Stähli, isch am 27 September 1921 in Oberbalm als jüngschts vo 10 Ching uf d'Wält cho.
Uf em chline Burehof im Mätteli mit es paar Chüeh, Chälber u me Söili het's viel Arbeit gä.
Me het mit däm müesse uscho, wome uf de Fäuder u im Garte het chönne ärnte.
1928 het iri Schuelzyt z'Borisried agfange, mit vier oder fünf Klasse i eim Zimmer.
Im Wältchrieg 1940'er, isch der Ma Soldat a der Gränze gsi, d'Marie het alleini müesse z'schlag cho.
Nah dis nah isch d'Familie grösser worde, dermit ou d'Arbeit u d'Sorge aui chönne z'versorge.
Schwär isches für d'Marie worde wo der Ehema isch chrank worde u Mitti 1980'er gschtorbe isch.
Derzue isch d'Marie sälber vili Jahr lang vor der Poliarthritis plaget worde.
Trotz allem het si der Muet nie verlore u isch trotz auem, geng de Nachbare ga hälfe
Uf einisch - niemmer weis was der Uslöser isch gsi - het d'Marie afa dichte, gwüss über 95 Gedichtli.
Gschichtli über d'Natur u d'Wält, derbi isch si chum einisch meh als 20km vo deheim awäg cho.
D' Marie Burri het sech geng gfröit, wenn sich öpper für ihri Gedichtli intressiert het.
Mir hoffe das die Verse, Gedichtli u Geschichtli vor Marie Burri o Dir e Freud mache.
♰ Dienstag, 7. August 2012           Heidi & Werner

Borisried






© 2024 äbe.ch